İranın ikimərhələli “Simurq” daşıyıcı raketi dekabrın 6-da səhər saatlarında ölkənin Müdafiə Nazirliyinin ehtiyacları üçün hazırlanmış “Fəxr-1” peykini orbitə çıxarıb.

Oxu24.com xəbər verir  ki, bu barədə Tasnim agentliyi məlumat yayıb.

Onun sözlərinə görə, peykin uğurla buraxılması İmam Xomeyni kosmodromundan baş tutub. “Fəxr-1” orbitə “Saman-1” yuxarı pilləsi ilə birlikdə buraxılıb, onun vəzifəsi peykləri daha yüksək orbitə köçürmək olacaq. Qeyd olunur ki, hərbi peykin əksər komponentləri İran şirkətləri tərəfindən layihələndirilib və istehsal edilib.

Buraxılış həm də bu dəfə 300 kq-a çatan faydalı yükə görə İranın kosmik sənayesi üçün yeni rekorda imza atıb.

İranın kosmik gəmisinin əvvəlki buraxılışı noyabrın 5-də baş tutub.

Nigar