Livanın Hizbullah təşkilatı terror qruplaşmalarına qarşı mübarizədə Suriya rəhbərliyinə dəstək verəcək.

Oxu24.com xəbər verir ki, bunu şiə hərəkatının baş katibi Nəim Qasım deyib.

“Biz bu terror təcavüzünə müqavimət göstərmək üçün Suriyanın yanında olacağıq”, – Qasim deyib.

O, həmçinin əlavə edib ki, terrorçuların hərəkətlərinin arxasında ABŞ başda olmaqla Qərb qüvvələri dayanır.

Bu günlərdə Yaxın Şərq Hərbi Analitik Mərkəzinin rəhbəri Riad Kahvaci qeyd edib ki, 2012-ci ildən Suriya ordusunun tərəfində vuruşan Hizbullah döyüşçüləri terrorçu qrupların məğlub edilməsində və prezident Bəşər Əsəd hökumətinin qorunmasında mühüm rol oynayıb. Buna görə də onların İsrailə qarşı hərbi əməliyyatlarda iştirak etmək üçün Livana məcburi geri çəkilmələri Cəbhət ən-Nusra qruplaşmasının (Rusiyada qadağan olunmuş təşkilat) silahlılarının işğalından əvvəl güc balansını pozdu və Hələbin şimalındakı müdafiə xətlərini zəiflətdi.

Noyabrın 28-də CNN telekanalı Suriyanın silahlı müxalifət qruplarının Hələb vilayətinin qərb bölgələrində hökumət qoşunlarına qarşı irimiqyaslı hücuma keçdiyini bildirib. Kanalın mənbəsinin məlumatına görə, nəticədə silahlılar 13 yaşayış məntəqəsini, o cümlədən strateji əhəmiyyətli Urm əs-Suğra və Əncar şəhərlərini ələ keçirib.

Bundan əvvəl Suriyadakı radikallar Pantsir və S-200 hava hücumundan müdafiə sistemlərini ələ keçirmişdilər.

Nigar