Kriminal polis əməkdaşları Gürcüstan Müdafiə Nazirliyinin keçmiş rəhbəri, müxalif “Formula” telekanalının sahiblərindən biri David Kezeraşvilinin mənzilinə gəliblər.

Oxu24.com  “Exo Kavkaza”-a istinadən  xəbər verir ki, Kezeraşvili 13 ildir bu mənzildə yaşamır. Yanğınsöndürənlər və xilasedicilər müstəntiqlərə qapını açmalı olub. İstintaq hərəkətlərinin nə ilə bağlı olduğu hələlik məlum deyil. Təhlükəsizlik qüvvələri yalnız evin sakinlərini girişə buraxıb.

Bundan əlavə, polis Vahid Milli Hərəkat Partiyasının üzvü, Kezeraşvilinin həyat yoldaşının qardaşı Dmitri Çikovaninin mənzilinə gəlib. Müxalifətçi təhlükəsizlik qüvvələrinin hərəkətlərini “hədə-qorxu cəhdi” adlandırıb.

Bundan əvvəl Gürcüstan ədliyyə nazirinin müavini Anri Oxanaşvili bildirib ki, Strasburq məhkəməsi Müdafiə Nazirliyinin keçmiş rəhbərinin büdcə vəsaitlərini mənimsədiyini təsdiqləyib. Onun sözlərinə görə, AİHM Kezeraşvilinin xüsusilə ağır cinayət törətdiyini təsdiqləyib və Gürcüstan Ali Məhkəməsinin əvvəllər çıxardığı hökmün qanuniliyini tanıyıb. Eyni zamanda Kezeraşvilinin özü də iddia edir ki, Strasburq qərarı onun ədalətli məhkəmə araşdırması hüququnun pozulduğunu təsdiqləyib. Sabiq nazir vurğulayıb ki, AİHM cinayət işi üzrə milli səviyyədə irəli sürülən ittihamlar üzrə hökmü nəzərdən keçirmir. Ona görə də Ədliyyə Nazirliyinin açıqlamaları manipulyasiyadır.

Nigar