Moldova Prezidenti Maya Sandu Viktor Parlikovun respublikanın energetika naziri vəzifəsindən azad edilməsi haqqında sərəncam imzalayıb.

Oxu24.com xəbər verir  ki, müvafiq sənəd dövlət başçısının saytında dərc olunub.

“Viktor Parlikov energetika naziri vəzifəsindən geri çağırılsın”, – sərəncamda deyilir.

Sənəddən belə çıxır ki, o, imzalandığı gündən, dekabrın 5-dən qüvvəyə minib.

Parlikovun istefasını Moldovanın baş naziri Dorin Recean tələb edib. Onun sözlərinə görə, tariflərin artırılmasına və sənayedəki böhrana görə məsuliyyət daşıyan energetika naziridir.

Sentyabrın 18-də Moldova Nazirlər Kabineti ölkənin milli ordusunun komandanı Eduard Oxladçukun istefası təşəbbüsü ilə çıxış edib. Recan qərarın yekdilliklə alındığını vurğulayıb.

Moldova Müdafiə Nazirliyi Oxladçukun müqaviləsinin başa çatdığını açıqlayıb. Bununla belə, müxalifət nümayəndələri hesab edirlər ki, baş qərargah rəisi “hakimiyyət üçün əlverişsiz olub”.

Sentyabrın 27-də Sandu Oxladçukun istefası haqqında fərman imzalayıb. O, 2021-ci il noyabrın 8-dən bu vəzifələrdə çalışır.

Qaqauziyanın keçmiş rəhbəri bir müddət əvvəl Sandudan “qurtulmağın” yolunu göstərmişdi.

Nigar