NATO dəniz pilotsuz uçan aparatlarından ibarət donanma yaratmaq planlarını açıqlayıb

Şimali Atlantika Alyansı Baltik və Aralıq dənizlərində yerləşdiriləcək dəniz dronlarından ibarət donanma yaratmağı planlaşdırır.

Oxu24.com xəbər verir  ki, bu barədə NATO-nun Birləşmiş Silahlı Qüvvələrinin Transformasiya üzrə Ali Komandanı admiral Pyer Vandier Defence News-a bildirib.

“Əslində bu, artıq mövcuddur, ona görə də çox riskli deyil. ABŞ uzun illərdir ki, Task Force 59-un Fars körfəzində mövcudluğunu saxlayır, ona görə də hər şey məlumdur, bu, texnologiyadan daha çox uyğunlaşma məsələsidir”, - admiral bildirib.

Vanier əlavə edib ki, hazırda donanmanın adı hələ düşünülməyib. Onun sözlərinə görə, hazırda NATO-ya üzv ölkələr bu təşəbbüsü müzakirə edir, bundan sonra müttəfiqləri ilə birlikdə planın həyata keçirilməsi üçün ən uyğun yol tapmağa başlayacaqlar.

Noyabr ayında Finlandiya öz hava bazasına NATO pilotsuz təyyarələrini yerləşdirməyi təklif etdi. NATO-nun pilotsuz təyyarələri İtaliyada yerləşirdi. Ehtimal olunur ki, Finlandiyanın Pirkkala aviabazası bölmənin dron bazası üçün ehtimal olunan yer ola bilər.

Bundan əvvəl Zelenski Rusiya Silahlı Qüvvələri tərəfindən istehsal edilən pilotsuz təyyarələrin “rekord sayda” olduğunu açıqlamışdı.

 

Nigar