Estoniya və Litvanın səfirləri Gürcüstan Xarici İşlər Nazirliyinə çağırılıb

Gürcüstan Xarici İşlər Nazirliyi Estoniya və Litva səfirlərini, eləcə də Latviyanın müvəqqəti işlər vəkilini danışıqlara çağırıb.

Oxu24.com xəbər verir ki, bu barədə Gürcüstan Xarici İşlər Nazirliyi məlumat yayıb.

“Görüşdə üç ölkənin Gürcüstanın hökumət rəhbərlərinə və hüquq-mühafizə orqanlarının əməkdaşlarına qarşı sanksiyaların tətbiqi ilə bağlı bəyanatlar verməsindən narahatlıq ifadə olunub. Qeyd olunub ki, bu addım ölkələr arasında tərəfdaşlıq münasibətləri çərçivəsinə uyğun gəlmir”, - deyə Gürcüstanın diplomatik xidməti qeyd edib.

Dekabrın 2-də Litvanın xarici işlər naziri Qabrielius Landsbergis elan etdi ki, Latviya, Litva və Estoniya Gürcüstanda “ədalətli etirazların” yatırılmasının təşkilatçılarına qarşı şəxsi sanksiyalar tətbiq etmək barədə razılığa gəliblər. Onun sözlərinə görə, Baltikyanı ölkələrdə “demokratiya əleyhdarları və insan haqlarını pozanlar” gözlənilmir.

Sonradan məlum olub ki, Litvanın “qara siyahısı”na hakim “Gürcü arzusu” partiyasının təsisçisi Bidzina İvanişvili, Gürcüstan Daxili İşlər Nazirliyinin rəhbəri Vaxtanq Qomelauri və hüquq-mühafizə orqanlarının rəhbərləri daxildir.

Bundan əvvəl Gürcüstan Xarici İşlər Nazirliyi xaricdəki gürcü diplomatlarına təzyiq göstərdiyini açıqlamışdı.

 

Miri