ABŞ-nin yeni seçilmiş prezidenti Donald Tramp Kanadanın baş naziri Castin Trüdo ilə görüşü zamanı onu sərhəddə qeyri-qanuni miqrasiya probleminin artması səbəbindən ölkənin Amerikanın “51-ci ştatı” ola biləcəyi ilə hədələyib.

Oxu24.com  xəbər verir ki, bu barədə "Fox News" telekanalı məlumat yayıb. 

Kanalın mənbələrinin qeyd etdiyi kimi, Tramp Mar-a-Lago malikanəsində Trüdo ilə görüşündə ona bildirib ki, vəzifəyə gəldikdən dərhal sonra o, malların idxalına 25% rüsum tətbiq etmək niyyətindədir. Trampın sözlərinə görə, bu ssenari Kanadanın Kanada sərhədindən ABŞ-yə qeyri-qanuni mühacir axınının məhdudlaşdırılmasında Amerikaya yardım etmədiyi təqdirdə mümkündür.

Castin Trüdonun Kanada mallarına idxal rüsumlarının əhəmiyyətli dərəcədə artmasının Kanada iqtisadiyyatına son dərəcə mənfi təsir göstərəcəyinə dair arqumentinə Tramp, ölkənin ABŞ-nin 51-ci ştatı ola biləcəyini qeyd edib.