İrəvanda avtobus sürücüləri tətil elan edib.

Oxu24.com Sputnik Ermənistan”a istinadən xəbər verir ki, “İrəvan avtobusu” QSC-nin sürücüləri bu gün işə çıxmaqdan imtina ediblər. 

İlkin məlumata görə, sürücülər iş şərtlərinin və maaşlarının nəzərdən keçirilməsini tələb edirlər.

Tətil səbəbindən paytaxtın müxtəlif hissələrində növbələr yaranıb, sakinlər bir neçə saatdır ki, nəqliyyat vasitəsi gözləməyə davam edir. 

Qeyd edək ki, İrəvanda cari ilin mayında da oxşar hadisə qeydə alınıb. Sürücülər sözügedən QSC-nin direktoru vəzifəsini icra edən Samvel Nazaryanın fəaliyyətinə qarşı tətil elan etmişdi. Onlar şirkətdə uzun müddət işləyən bir neçə əməkdaşın işdən azad olunmasına etiraz edirdilər. İrəvan bələdiyyəsi bu zaman onların etirazını islahatları pozmaq cəhdi kimi qiymətləndirmişdi.