“Long Island Sharks” klubunun gənc hokkeyçisi Konnor Kasin xeyriyyə matçı zamanı dünyasını dəyişib.

OXU24.COM  xəbər verir ki, bu barədə “The New York Post” məlumat yayıb.

Fasilə zamanı 17 yaşlı oyunçu buzun üstündə huşunu itirib və tamaşaçıların göstərdiyi ilk tibbi yardıma baxmayaraq, xəstəxanaya aparılarkən yolda dünyasını dəyişib. Nassau qraflığı polisi araşdırmaya başlayıb.

Nyu-Yorkun Oyster Bay şəhərində keçirilən xeyriyyə matçı ötən il yol qəzasında dünyasını dəyişən hokkeyçi Sabrina Navarettin xatirəsinə həsr olunub.