Rusiya Federasiyası xarici işlər nazirinin müavini Mixail Boqdanov Suriya səfiri Bəşər Cəfəri ilə silahlı qrupların terror aktı ilə bağlı respublikada vəziyyətin təhlükəli gərginləşməsini müzakirə edib.

Oxu24.com xəbər verir  ki, bu barədə diplomatik departamentin saytında məlumat verilib.

Rusiya tərəfi Suriya hakimiyyəti ilə həmrəy olduğunu bildirib və onların ölkədəki vəziyyəti sabitləşdirmək səylərinə güclü dəstəyini bəyan edib.

Bazar ertəsi Rusiya prezidenti Vladimir Putin İran prezidenti Məsud Pezeşkianla Suriyada gərginləşən vəziyyəti müzakirə edib. Liderlər həmçinin Suriya rəhbərliyinin ölkənin konstitusiya quruluşunun və ərazi bütövlüyünün bərpası istiqamətində hərəkətlərini dəstəkləyiblər.

Noyabrın 28-də CNN telekanalı Suriyanın silahlı müxalifət qruplarının Hələb vilayətinin qərb bölgələrində hökumət qoşunlarına qarşı irimiqyaslı hücuma keçdiyini bildirib. Kanalın mənbəsinin məlumatına görə, nəticədə silahlılar 13 yaşayış məntəqəsini, o cümlədən strateji əhəmiyyətli Urm əs-Suğra və Əncar şəhərlərini ələ keçirib.

Bundan əvvəl ABŞ Suriyanın Hələbə nəzarəti itirməsinin səbəbini açıqlamışdı.

Nigar