Rusiya İstintaq Komitəsi Silahlı Qüvvələrin Baş Rabitə İdarəsinin keçmiş rəisi, general-mayor Aleksandr Oqloblinə qarşı cinayət işi açıb.

Oxu24.com  xəbər verir ki, bu barədə Rusiya KİV məlumat yayıb. 

Qeyd olunub ki, Oqloblin dövlət müdafiə sifarişinin icrası zamanı xüsusilə külli miqdarda rüşvət almaqda ittiham olunur.

Müstəntiqlərin fikrincə, 2016-2021-ci illərdə general-mayor Perm Telefon Zavodu Telta ASC-nin nümayəndələrindən 10 milyon rubldan çox məbləğdə rüşvət alıb. Müəyyən edilib ki, Oqloblin Rusiya Müdafiə Nazirliyinin ehtiyacları üçün rabitə vasitələrinin tədarükünə çoxmilyonluq dövlət müdafiə sifarişinin icrasında ümumi himayədarlıq edib. İstintaqın tələbi ilə 235-ci Qarnizon Hərbi Məhkəməsi general-mayoru həbs edib.