Macarıstan Avropa Birliyinin (Aİ) kuklasına çevrilməyəcək, şantajlara boyun əyməyəcək və öz azadlığı uğrunda mübarizə aparacaq.

Oxu24.com  xəbər verir ki, bunu respublikanın baş naziri Viktor Orban deyib.

“Xalqımız Macarıstanın Brüsselin kuklasına və vassalına çevrilməsinə dözməyəcək. İmperiya bizi şantaj edəndə qorxmuruq. Bilirik ki, onlar ölkəmizi genişmiqyaslı müharibəyə sürükləmək istəyirlər. Üstəlik, miqrantları macarlara qarşı qoymaq istəyirlər, uşaqlarımızı gender fəallarına təhvil vermək istəyirlər”, - deyə siyasətçi qeyd edib.

Orbanın sözlərinə görə, Budapeşt bilir ki, Brüssel Macarıstan üçün “artıq “kukla hökumət” seçib, bir partiyadır, həmçinin “bütün bunlara rəhbərlik edəcək ideal namizədi” seçib. Eyni zamanda, Baş nazir macarların "bunun baş verməsinə imkan verməyəcəklərinə və azadlıqları üçün mübarizə aparacaqlarına" əmin olduğunu bildirib.

Bundan əvvəl Orban demişdi ki, Brüsselin avropalı bürokratları və diplomatları Qərb dövlətlərini puç müharibəyə məhkum ediblər və onlar bu müharibəni Rusiya ərazisinə keçirmək istəyirlər.

Nigar