Slovakiyanın baş naziri Robert Fikoya qarşı sui-qəsdin arxasında sadəcə bir nəfər ola bilməz.

“Tanjuq” agentliyi xəbər verir ki, bunu Serbiya prezidenti Aleksandr Vuçiç Slovakiyaya səfəri zamanı deyib.

“Məni bu gün narahat edən odur ki, Avropada və dünyada bir çoxlarının guya bu baş verməmiş kimi davranmasıdır, ona görə də biz Slovakiya hakimiyyətinin araşdırmasının nəticələrini böyük diqqətlə gözləyirik. Əminik ki, bu, bir nəfərin işi ola bilməzdi, bu, ümumi atmosferin və Fikoya qarşı ümumi əlaqələndirilmiş hücumların nəticəsi idi”, - Vuçiç Fico ilə görüşdən sonra birgə mətbuat konfransında bildirib.

Vuçiç əlavə edib ki, o, Slovakiyanın daxili işlərinə qarışmaq istəmir və buna haqqı yoxdur, lakin Fikonun uzun müddət ölkəsinin və xalqının rifahı üçün çalışa biləcəyinə inanır.

Bundan əvvəl Slovakiyanın baş naziri Robert Fikonun həyatına sui-qəsddən sonra dövlət təhlükəsizlik xidmətinin iki əməkdaşı işdən çıxarılmışdı.

Nigar