Si Cinpin Kazana gəlib

Çin prezidenti Si Cinpin BRİKS sammitində iştirak etmək üçün Kazana gəlib.

Oxu24.com xəbər verir ki, bu barədə Çin Mərkəzi Televiziyasına istinadən məlumat yayıb.

“Oktyabrın 22-də yerli vaxtla səhər saatlarında Çin Xalq Respublikasının sədri Si Cinpin xüsusi təyyarə ilə Kazana gəlib”, - mesajda deyilir.

Çin Xarici İşlər Nazirliyinin sözçüsü Lin Jian qeyd edib ki, Si Cinpin Rusiya prezidenti Vladimir Putinlə Rusiya-Çin münasibətləri və beynəlxalq məsələləri müzakirə edəcək.

Hindistanın baş naziri Narendra Modi, Cənubi Afrika Respublikasının prezidenti Siril Ramafosa, Efiopiyanın baş naziri Abiy Əhməd və digər dünya liderləri artıq Kazana gəliblər.

Rusiya prezidentinin mətbuat katibi Dmitri Peskov qeyd edib ki, dövlət başçısı artıq Kazandadır. Peskov əlavə edib ki, Rusiya liderinin iş qrafikində heç bir dəyişiklik yoxdur, “hər şey plana uyğundur”.

 

Miri