Cümə günü, oktyabrın 25-də Yeddilik Qrupu (G7) ölkələri Kiyevə Rusiyanın dondurulmuş aktivləri hesabına ödəniləcək 50 milyard dollarlıq birgə kreditə töhfələrini elan edəcək.

Oxu24.com  xəbər verir ki, bu barədə Avropa komissarı Didye Reynders bildirib.

Reynders plenar iclasda Avropa Parlamentinin üzvlərinə müvafiq bəyanatla çıxış edib.

"Bu həftənin sonunda oktyabrın 25-də Vaşinqtonda G7 tərəfdaşları öz töhfələrini elan edəcəklər",-deyə o bildirib.

Oktyabrın 19-da “Financial Times” yazıb ki, Birləşmiş Ştatlar Rusiyanın dondurulmuş aktivlərindən əldə edilən mənfəət hesabına ödəniləcək G7 krediti çərçivəsində Ukraynaya 20 milyard dollara qədər (40%) verməyə hazırdır.

Oktyabrın 16-da bildirildi ki, Aİ ölkələri 2024-cü ilin sonuna qədər Ukraynaya 45 milyard avro ayırmağı planlaşdırır. Bu məbləğ Aİ-nin Brüsseldə keçirilən sammitinin yekun sənədində göstərilib.

Bundan əvvəl Fransanın dondurulmuş Rusiya aktivləri hesabına Ukraynaya 12 "Sezar" özüyeriyən silah alacağı bildirilirdi.

Nigar