Norveç terror təhlükəsi səbəbindən sərhəd nəzarətini uzadıb

Norveç hakimiyyəti müvəqqəti sərhəd nəzarətini noyabrın 11-dək uzadıb.

Oxu24.com  xəbər verir ki, bu barədə Norveç Ədliyyə Nazirliyinin rəhbəri Emili Enger Mehl bildirib.

“Biz indi sərhəd nəzarətini 20 gün uzadırıq, lakin mən onu daha da uzadacağımızı istisna etmirəm. Qərarımın səbəbi terror təhlükəsinin davam etməsidir...”, - deyə nazir bildirib.

Siyasətçinin sözlərinə görə, “xüsusilə Norveçdəki yəhudi və israilli şəxslərə və qurumlara qarşı” terror hücumları riski qalmaqdadır.

Norveçdə müvəqqəti sərhəd nəzarəti oktyabrın 12-də İsveçdə İsrailin müdafiə şirkətinin nümayəndəliyinə hücum edilən insidentlərdən sonra və Danimarkada İsrail səfirliyində partlayışların baş verdiyi insidentlərdən sonra tətbiq edilib.

Bundan əlavə, oktyabrın 8-də Norveç polisi Yaxın Şərq regionunda vəziyyətin pisləşməsi ilə əlaqədar krallıqda terror təhlükəsi səviyyəsini yüksək həddə çatdırıb.

Bundan əvvəl Norveçin Ukrayna üçün silah istehsalına on milyonlarla vəsait xərcləyəcəyi bildirilirdi.

Nigar