Moldova Mərkəzi Seçki Komissiyası ölkədə prezident seçkilərinin ikinci turunun noyabrın 3-də keçiriləcəyini açıqlayıb.

Oxu24.com xəbər verir ki, bu barədə Moldova KİV-ləri məlumat yayıb. 

Prezidentliyə namizədlərdən heç biri birinci turda qalib gəlmək üçün lazımi sayda səs toplaya bilməyib. 

Belə ki, Mərkəzi Seçki Komissiyasının açıqladığı ilkin nəticələrə əsasən, Maya Sandaya 640 881 seçici səs verib ki, bu da seçkilərdə iştirak edənlərin 42,07%-ni təşkil edir. İkinci yeri keçmiş baş prokuror Oleksandr Stoyanoqlo tutub. Onu 400 208 vətəndaş - ümumi seçicilərin 26,27 faizi dəstəkləyib.

MSK-nın məlumatına görə, Maya Sandu 240 673 səs fərqi ilə qalib gəlir.

Renato Vusati 209 011 səslə (13,72%) üçüncü yeri tutub.