İsrailə bir saat ərzində Livandan 50-dən çox raket atılıb

İsrailin şimal bölgələri Livandan yeni atəşə məruz qalıb.

Oxu24.com xəbər verir ki, bu barədə İsrail Müdafiə Qüvvələri (IDF) Telegram kanalında məlumat yayıb.

Ümumilikdə, bir saat ərzində İsrailin şimalındakı ərazilərə iki "dalğa" şəklində ən azı 55 raket atılıb.

“Mərmilərin bəziləri ələ keçirilib”, - deyə İDF bildirib.

Düşmüş mərmilərin də qeydə alındığı qeyd edilir.

Şənbə günü, oktyabrın 19-da məlum olub ki, Hizbullaha məxsus pilotsuz təyyarə İsrailin baş naziri Benyamin Netanyahunun Qeysəriyyə şəhərindəki şəxsi iqamətgahına hücum zamanı o, orada olmayıb və heç kim xəsarət almayıb. Bu barədə İsrail baş nazirinin ofisi məlumat yayıb. Livandan İsrailə doğru üç pilotsuz təyyarə buraxılıb. Onlardan ikisi ələ keçirilib, üçüncüsü Qeysəriyyədə binaya çırpılıb. Mənbələr Netanyahunun Qeysəriyyədəki evində bombanın partladığını bildirib. Hücum zamanı şəhərdə hava hücumu sirenası səslənib.

Bundan əvvəl Hizbullah İsraillə qarşıdurmanın yeni mərhələsini elan etmişdi.

 

Miri