İordaniya ilə sərhəddə baş verən atışmada İsrail əsgərləri yaralanıb

İordaniyadan ölkəyə daxil olan bir qrup silahlı şəxslə atışma zamanı iki İsrail əsgəri yaralanıb.

Oxu24.com xəbər verir  ki, bu barədə İsrail Müdafiə Qüvvələrinin (IDF) mətbuat xidmətinin Telegram kanalında məlumat verilib.

Açıqlamada əsgərlərdən birinin yüngül yaralandığı qeyd edilir. İkinci döyüşçü isə öz növbəsində orta dərəcəli xəsarət alıb.

"Onlar tibbi yardım üçün xəstəxanaya aparılıblar", deyə İDF vurğulayıb.

İsrail qoşunlarının mətbuat xidməti əlavə edib ki, ölkənin hərbi qulluqçuları hazırda İordaniya ilə sərhədə yaxın əraziləri yoxlayır. İsrail Müdafiə Qüvvələrinin məlumatına görə, ərazidə ən azı bir başqa təcavüzkar gizlənmiş ola bilər.

Oktyabrın 18-də bir qrup silahlı şəxs İordaniyadan qeyri-qanuni olaraq İsrail sərhədini keçib. Bundan sonra yəhudi dövlətinin hərbçiləri ilə cinayəti törədənlər arasında atışma baş verib və bu atışma zamanı qruplaşmanın iki üzvü öldürülüb.

Oktyabrın 4-də Bloomberg agentliyi bildirib ki, islamçı qruplar münaqişənin kəskinləşməsi ilə Yaxın Şərqdə öz təsirlərini artırmağa başlayıblar. Xüsusilə İordaniyanın paytaxtında Fələstinin Həmas hərəkatı və Livan Hizbullah hərəkatına dəstək artımı qeydə alınıb.

Bundan əvvəl İordaniya İsrailə görə regional müharibə riskini açıqlamışdı.

 

Nigar