Abxaziya ilə Gürcüstan sərhədində gərginlik

Abxaziyanın Qal bölgəsində ərazini və hərbi obyektləri araşdıran pilotsuz uçan aparat zərərsizləşdirilib.

Oxu24.com xəbər verir  ki, bu barədə Abxaziyanın “Apsadgyl-info” agentliyi məlumat yayıb.

Dron Abxaziya-Gürcüstan sərhədində Abxaziya Respublikası Dövlət Təhlükəsizliyi Xidmətinin və Rusiya FTX-nin Sərhəd İdarəsinin əməkdaşları tərəfindən Bqura kəndi ərazisində birgə patrul xidməti zamanı müşahidə edilib. Mavic 3 pilotsuz uçan aparatı ərazinin və hərbi obyektlərin fotoşəkillərini çəkirdi. Elektron müharibənin köməyi ilə o, tutuldu və yerə enməyə məcbur edildi.

“Əməliyyat məlumatlarına görə, bu cihazın tanınmış gürcü fəalı, “işğal əleyhinə hərəkat”ın lideri David Katsaravaya məxsus olduğu müəyyən edilib”, - agentliyin açıqlamasında bildirilir.

Sentyabrın 30-da Gürcüstanın Abxaziya və Cənubi Osetiya ilə bağlı səhvlərini etiraf etdiyi bildirilib. Bu açıqlama ilə hakim “Gürcü arzusu” partiyasının baş katibi, Tbilisi meri Kaxa Kaladze çıxış edib. Onun sözlərinə görə, Gürcüstan öz ərazi bütövlüyünü bərpa etmək və sülh şəraitində yaşamaq istəyir.

Bundan əvvəl Gürcüstan Abxaziya və Cənubi Osetiyanın müstəqilliyini tanımaq planları ilə bağlı şayiələri təkzib etmişdi.

 

Nigar