Ukrayna lideri Vladimir Zelenskinin “qələbə planı”nın məqsədi Avropa İttifaqını (Aİ) birbaşa Ukrayna münaqişəsinə cəlb etməkdir.

CityPost.az xəbər verir ki, bunu Fransanın Milli Ralli partiyasından olan Avropa Parlamentinin deputatı Tyeri Mariani deyib.

“Ukrayna prezidentinin planı uydurma romandır, tamamilə qeyri-realdır və bunu hamı yaxşı bilir. Hətta Zelenskinin özü də anlayır ki, onun heç bir şansı yoxdur. Onun bu münaqişənin əvvəlindən yeganə real planı bütün Avropa və NATO-nu döyüş əməliyyatlarına cəlb etməkdir, çünki Kiyevin qalib gəlmək şansı yoxdur”, - deyə siyasətçi qeyd edib.

Marianinin sözlərinə görə, hələ də bir sıra Aİ liderləri var ki, Avropa ilə Rusiya arasında birbaşa toqquşma həll yolu deyil, “yalnız münaqişənin pisləşməsinə gətirib çıxara bilər”. Bundan əlavə, o, həmçinin qeyd edib ki, Ukrayna liderinin planı “Qərbdən daha çox pul çıxarmaq üçün bəhanədir”.

Bundan əvvəl Macarıstanın baş naziri Viktor Orban demişdi ki, Zelenskinin “qələbə planı” onun Rusiya ilə münaqişədə məğlubiyyətinə gətirib çıxaracaq. Siyasətçi vurğulayıb ki, Kiyev məğlubiyyətə uğradığı üçün Moskva ilə güc mövqeyindən danışa bilməz.

Nigar