Moskvanın mərkəzində yerləşən restoranda yanğın baş verib.

Oxu24.com xəbər verir  ki, bu barədə REN TV mənbəyə istinadən məlumat yayıb.

Telekanalın məlumatına görə, hadisə Savva restoranında baş verib. Hazırda ziyarətçilərin və müəssisə əməkdaşlarının təxliyyəsi davam etdirilir.

Hadisənin təfərrüatları açıqlanmır.

Fövqəladə Hallar Nazirliyinin Telegram kanalı yanğının Teatralnı Proezddəki otelin binasında baş verdiyini bildirib. İdarədən verilən məlumata görə, yanğın ventilyasiya kanalında qaynaq işləri aparılan zaman başlayıb.

Hazırda yanğın söndürülüb. Yanğın sahəsi 0,5 kvadratmetr olub. İdarədən bildirilib ki, yanğının söndürülməsinə Fövqəladə Hallar Nazirliyinin 22 əməkdaşı cəlb olunub.

Qeyd edək ki, bir gün əvvəl Moskvada mehmanxananın otağına maye tökülməsi səbəbindən yanğın baş verib. Hadisə Leninski prospektində baş verib. Shot Telegram kanalının məlumatına görə, naməlum şəxs qonağın otağına daxil olaraq otağın mebellərini, divarlarını və qapısını yanar maye ilə səpib, sonra isə onu yandırıb.

Bundan əvvəl Moskvanın cənub-qərbində avtomobil partladılıb.

Nigar