Mbappenin qızı zorlaması iddiası yayıldı

Oxu24.com xəbər verir  ki, Fransanın “Le Parisien” nəşri “Real Madrid”in hücumçusu Kilian Mbappenin İsveçin paytaxtı Stokholmda olarkən  bir qadınla cinsi əlaqədə olduğunu yazıb. Eyni zamanda, forvard özü də əmindir ki, baş verənlərin hamısı qarşılıqlı razılıq əsasında olub.

Nəşr onu da yazır ki, Mbappenin Stokholmdakı oteldə gecələdiyi gənc qadının mesajları da var ki, onlar əlaqənin qarşılıqlı razılıq əsasında olduğunu təsdiqləyirlər;

Lakin bu qadınla sonradan hücumçunu zorlamada ittiham edən qadının eyni şəxs olduğunu heç nə təsdiq etmir.

Oktyabrın 15-də media Mbappenin Stokholmdakı oteldə törədilən zorlamada şübhəli bilindiyini yazıb. Futbolçunun cinayət işində statusu "əsaslı şübhəli" kimi qeyd olunub ki, bu da şübhənin ən aşağı səviyyəsinə uyğundur. 

Futbolçunun özü bu ittihamları “saxta” adlandırıb.

Futbolçu zədə səbəbindən Fransa millisinin Millətlər Liqasında oktyabrdakı oyunlarını buraxıb. Fransanın İsraillə oyunu günü o, Stokholm klublarından birində fotosessiyaya çəkilib.

Mbappe ilə Real Madrid arasında müqavilənin imzalanması iyunun 3-də rəsmən açıqlanıb. Hücumçu İspaniya nəhənginə azad agent kimi keçib. Bundan əvvəl forvard 2017-ci ildən çıxış etdiyi Fransa PSJ-də çıxış edib.

Mbappe İspaniya çempionatında "Real"ın heyətində ilk qollarını "Betis"lə 4-cü tur matçında vurub. O, dubla imza atıb və Madrid klubu 2:0 hesabı ilə qalib gəlib. Sentyabrın 4-də Mbappe "Qızıl top"a namizədlər siyahısına daxil edilib.

 

Miri