NATO-nun baş katibi Mark Rutte oktyabrın əvvəlindən bəri alyansın Brüsseldəki qərargahında Ukrayna lideri Vladimir Zelenski ilə üçüncü dəfə görüşəcəyini bildirib.

 

Oxu24.com xəbər verir  ki, onun sözlərini Reuters agentliyi yayıb.

 

“Bu gün mən Vladimir Zelenski ilə burada, qərargahda görüşəcəyəm. Bu, Kiyev səfərindən və Londondakı görüşdən sonra üçüncü görüşdür”, - alyans rəhbəri vurğulayıb.

 

O, Ukrayna rəhbərinin Rusiya ilə şərq cəbhəsindəki vəziyyəti və Kurskdakı vəziyyəti necə gördüyünü ondan eşitmək istədiyini bildirib.

 

Rutte əlavə edib ki, onu NATO-dakı “son qərarlar” barədə məlumatlandıracaq.

 

Bir gün əvvəl Zelenski ilk dəfə olaraq “qələbə planını” ictimaiyyətə təqdim etdi. Onun planı beş bənddən ibarətdir ki, onlardan biri də münaqişə bitməmiş ölkəni NATO-ya dəvət etməyi nəzərdə tutur.

 

NATO-nun baş katibi bildirib ki, hələlik sənədin bütün bəndlərini tam dəstəkləməkdən danışa bilməz. O, bir çox məsələlərin “dərinləşdirilməsi” lazım olduğunu qeyd edib və həmçinin bağlı qapılar arxasında dialoq elan edib.

 

AP daha əvvəl yazmışdı ki, NATO-ya qoşulmazdan əvvəl Ukraynanın sərhədləri demarkasiya edilməlidir.

 

Miri

 

Oxu24.com