Böyük Britaniya sanksiyalar siyahısını genişləndirərək Rusiya Silahlı Qüvvələrinin radiasiya, kimyəvi və bioloji müdafiə qoşunları (RCBD) və onların rəisi İqor Kirillovu da əhatə edib.

Oxu24.com xəbər verir  ki, bu barədə Britaniya Maliyyə Nazirliyinin mətbuat xidməti məlumat yayıb.

Departamentin məlumatına görə, məhdudiyyətlərin tətbiqinə səbəb Ukraynada Rusiya qoşunlarının guya kimyəvi silahdan istifadə etməsi olub. Britaniya Xəzinədarlığı da iddia edir ki, Rusiya bu cür hərəkətləri ilə Kimyəvi Silahlar Konvensiyasını (CWC) pozub.

Bundan başqa, Böyük Britaniya Rusiya Müdafiə Nazirliyinin 33-cü Mərkəzi Tədqiqat və Sınaq İnstitutuna da sanksiya tətbiq edib.

Kirillov bir gün əvvəl Ukraynanın Rusiyanı xüsusi hərbi əməliyyat zamanı zəhərli maddələrdən istifadə etməkdə ittiham etmək üçün təxribat hazırladığını bildirib. Onun sözlərinə görə, Kiyev “müstəqil” hesabat hazırlamaq üçün Rusiya Federasiyasının bu maddələrdən istifadəsinə dair iddia edilən sübutları Kimyəvi Silahların Qadağan edilməsi Təşkilatının nümayəndələrinə ötürmək niyyətindədir.

Bundan əvvəl Müdafiə Nazirliyi ABŞ-ı Rusiyaya qarşı təxribat hazırlamaqda iştirakda ittiham edib.

Nigar