Ukrayna prezidenti Vladimir Zelenski ABŞ-da NATO-nun baş katibi Yens Stoltenberqlə görüşüb.

Oxu24.com xəbər verir  ki, bu barədə Ukrayna liderinin özü Telegram kanalında məlumat verib.

Zelenski Stoltenberqlə görüşü zamanı ona Şimali Atlantika Alyansının baş katibi olduğu müddətdə Ukraynaya göstərdiyi köməyə və Ukrayna ordusunun gücləndirilməsində göstərdiyi köməyə görə təşəkkür edib.

Görüş zamanı prezident və baş katib Ukraynanın hava hücumundan müdafiəsinin gücləndirilməsi, Ukraynanın NATO-ya daxil olması ilə bağlı işlərin davam etdirilməsi, eləcə də Alyansın Vaşinqton sammitinin razılaşmalarının yerinə yetirilməsi zərurətini müzakirə ediblər.

Həmin gün Zelenski Kanadanın baş naziri Castin Trüdo ilə görüşüb.

Zelenski sentyabrın 23-də BMT Baş Assambleyasının 79-cu sessiyasının keçirildiyi Nyu Yorka gəlib. Siyasətçi qurumun bir sıra tədbirlərində iştirak etmək, həmçinin bir neçə əcnəbi həmkarı ilə danışıqlar aparmaq niyyətindədir. O, ABŞ prezidenti Co Baydenlə də görüşəcək.

Miri