Respublikaçılar Partiyasından prezidentliyə namizəd Donald Tramp BMT Baş Assambleyasına səfəri zamanı Ukrayna lideri Vladimir Zelenski ilə görüşməyəcək.

Oxu24.com xəbər verir ki, bu barədə Associated Press mənbələrə istinadən yazır.

AP-yə adının açıqlanmasını istəməyən şəxsin sözlərinə görə, Ukrayna rəsmilərinin ölkə prezidentinin respublikaçı ilə görüşməyi planlaşdırdığı barədə açıqlamalarına baxmayaraq, Tramp və Zelenski arasında görüş təyin olunmayıb.

Bundan əvvəl Reuters Trampa yaxın mənbələrə istinadən xəbər vermişdi ki, Vladimir Zelenski ABŞ-a səfəri zamanı ABŞ prezidentliyinə namizəd Donald Trampla görüşə bilməyib. Trampın yaxın ətrafı iddia edir ki, görüşmək istəyi qarşılıqlı olub və hər iki tərəfdən ifadə olunub, lakin mümkün hadisə üçün tarix müəyyən edilməyib.

Bundan əvvəl Zelenski BMT-də Rusiyanı sülhə “məcbur etməyə” çağırıb.

Miri