Argentina Maduronu beynəlxalq axtarışa verib

Buenos-Ayres məhkəməsi Venesuela prezidenti Nikolas Maduronun insan haqlarının pozulması iddialarına görə beynəlxalq axtarışa verilməsinə qərar verib.

 

Oxu24.com xəbər verir  ki, bu barədə “La Nacion” qəzeti məlumat yayıb.

Məhkəmə üzvləri Venesuela liderini bəşəriyyətə qarşı cinayətlərdə ittiham edən Argentina Demokratiyanın Müdafiəsi Forumu qeyri-hökumət təşkilatının şikayətini qəbul edən Argentina prokurorlarının tələbinin təmin edilməsinə qərar verib. Argentina məhkəməsi hesab edib ki, bu cür ittihamlar universal yurisdiksiyaya aiddir, ona görə də Maduronu axtarışa vermək səlahiyyəti var.

İyul ayında Argentina Xarici İşlər Nazirliyi bəyan etmişdi ki, ölkə hökuməti Maduro administrasiyasına qarşı Beynəlxalq Cinayət Məhkəməsinə (ICC) verilən şikayəti yenidən dəstəkləmək qərarına gəlib. 2018-ci ilin sentyabrında Argentina, Kanada, Kolumbiya, Paraqvay, Peru və Çili BCM-dən Venesuelada insanlığa qarşı mümkün cinayətlər barədə araşdırma açmağı xahiş ediblər. Şikayət 2017-ci ildə ölkədə bir neçə ay davam edən etiraz dalğasından sonra verilib. Bu müddət ərzində 120-dən çox insan həlak olub, minlərlə nümayiş iştirakçısı yaralanıb, 5 mindən çox insan həbs edilib.

 

Nigar