İsrailə uçuşlar dayandırıldı

İsraillə şiə Hizbullah təşkilatı arasında qarşıdurma fonunda üç beynəlxalq aviaşirkət İsrailin Təl-Əviv şəhərindəki Ben Qurion hava limanına uçuşları ləğv edib.

 

Oxu24.com xəbər verir  ki, bu barədə “The Times of Israel” yazır.

 

“Wizz Air, British Airways və Azərbaycan Hava Yolları Ben Qurion hava limanına və oradan reysləri ləğv edib”, materialda deyilir.

 

Sentyabrın 23-də İsrail Hizbullaha qarşı “Şimalın oxları” adlandırılan “önləyici hücum əməliyyatı”na başladığını elan etdi. Həmin gün İsrailin baş naziri Benyamin Netanyahu Livan sakinlərinə müraciət edərək, onları Hizbullahın bazalarını tərk etməyə çağırıb. O, şiə təşkilatının onlardan canlı qalxan kimi istifadə etdiyini bildirib.

Reuters-in yazdığı kimi, ABŞ İsrailin Livana mümkün müdaxiləsinə qarşıdır və Yaxın Şərqdə gərginliyi azaltmaq üçün konkret ideyaları irəli sürmək niyyətindədir.

Bundan əvvəl Fransa Livanla bağlı BMT Təhlükəsizlik Şurasının iclasının çağırılmasının tərəfdarı olduğunu bildirib.

 

Miri