İran səfiri bildirib ki, partladılan qurğular daha çox mülki şəxslər tərəfindən istifadə olunub

İran prezidenti Məsud Pezeşkian Livanda peycer və radioların partlaması nəticəsində ölkəyə gətirilən yaralılara baş çəkib.

Oxu24.com xəbər verir  ki, İranın rəsmi xəbər agentliyi İRNA-nın məlumatına görə, Pezeşkian ötən gün İrana gətirilərək müalicə olunan yaralıları paytaxt Tehrandakı Farabi Göz Xəstəxanasında ziyarət edib və onların müalicə prosesləri haqqında məlumat alıb.

Pezeşkianı Livanın Tehrandakı səfiri də müşayiət edib.

Digər tərəfdən İran hökumətinin sözçüsü Fatma Mühəcərani Livandakı partlayışlarda yaralanan və müalicə üçün ölkəyə gətirilən İranın Beyrut səfiri Emani Tehrandakı xəstəxanada ziyarət edib.

Səfirin müalicəsi ilə məşğul olan oftalmoloq və keçmiş səhiyyə naziri Həsən Kadızadə Haşimi Mühaceraniyə müalicə prosesi ilə bağlı məlumat verib.

Hücumlarda yaralanan səfir Emani Livanda partladılan peycerlərin "İsrailin hücumlarından əvvəl insanları hücumlardan xəbərdar etmək üçün siyasi deyil, humanitar məqsədlər üçün istifadə edildiyini və daha çox xəstəxana və uşaq bağçalarına paylanıldığını" bildirib.

 

Nigar