Rusiya prezidenti Vladimir Putin Sankt-Peterburqda Xüsusi Texnologiyalar Mərkəzi (STC) müəssisəsində dronların nümunələrinə baxış keçirib.

Oxu24.com xəbər verir  ki, bu barədə RİA Novosti məlumat yayıb.

Ölkə rəhbərini səfərdə Rusiya hökuməti sədrinin birinci müavini Denis Manturov, Rusiya müdafiə naziri Andrey Belousov, Prezident Administrasiyası rəhbərinin müavini Maksim Oreşkin və Rusiya Federasiyası Dövlət Şurasının katibi Aleksey Dyumin müşayiət ediblər.

STC radiomüşahidə, məlumatların mühafizəsi, elektron müharibə sistemləri, dron və rabitə sistemləri üçün avadanlıqların istehsalında liderlərdən biridir. Orduya və təhlükəsizlik qüvvələrinə texnika verir. 2001-ci ildə yaradılmışdır.

Avqustun sonunda Rusiyanın baş naziri Mixail Mişustin Rusiyada pilotsuz təyyarələrin istehsalını beş dəfədən çox artırmaq planlarını açıqlayıb.

May ayında Rusiya prezidenti Vladimir Putin bəyan etmişdi ki, Ukraynada xüsusi əməliyyat başlayandan bəri Rusiya müdafiə zavodları döyüş sursatı istehsalını 14 dəfə, pilotsuz təyyarələrin istehsalını 4 dəfə, zirehli silahların istehsalını 3,5 dəfə artırıb. Putin qeyd edib ki, bu göstəricilər müdafiə zavodlarında işin yaxşı tempindən xəbər verir.

Miri