ABŞ hər şeyi bilirmiş - Livandakı partlayışların şok təfərrüatı

Şiə təşkilatı Hizbullah üzvlərinə məxsus peycer və digər avadanlıqların silsilə partlayışlarından az əvvəl İsrail hakimiyyəti ABŞ-a Livandakı əməliyyatla bağlı xəbərdarlıq edib.

 

Oxu24.com xəbər verir  ki, bu barədə vəziyyətlə tanış olan üç mənbəyə istinadən CNN məlumat yayıb.

Jurnalistlərin bildirdiyinə görə, ABŞ-ın bir sıra yüksək səviyyəli liderləri qarşıdan gələn əməliyyatla bağlı xəbərdarlıq edilib, o cümlədən Pentaqonun rəhbəri Lloyd Austin israilli həmkarı Yoav Gallantdan zəng alıb. Qeyd olunur ki, İsrail əməliyyatın təfərrüatlarını açıqlamayıb.

 

Sentyabrın 17-də axşam saatlarında minlərlə Hizbullah üzvünün şəxsi peycerləri partladı. Nəticədə ən azı 4 min nəfər yaralanıb, 12 nəfəri, o cümlədən 8 yaşlı uşaq və Hizbullah liderlərindən birinin oğlun ölüb.

Livanın İnformasiya Nazirliyi hadisəni “İsrail təcavüzü” adlandırıb. Hizbullah həmçinin hadisənin şərtləri ilə bağlı ətraflı araşdırmaya başladığını bildirib.

 

Bundan əvvəl ABŞ Livandakı partlayışlarda iştirakının olmadığını bəyan edib.

 

Miri