Hindistan ucuz rus neftini almaqdan imtina etməyi planlaşdırmır

Hindistan ucuz rus neftini almaqdan imtina etməyi planlaşdırmır, bunu respublikanın neft və təbii qaz naziri Hardeep Singh Puri vurğulayıb.

Oxu24.com xəbər verir  ki, bu barədə Reuters məlumat yayıb.

“Əgər müəssisə sanksiyalar altında olmasa, biz, şübhəsiz ki, yanacağı ən ucuz təchizatçıdan alacağıq”, - deyə o bildirib.

Puri onu da xatırladıb ki, Hindistan ucuz rus xammalı idxal edən yeganə ölkə deyil. Nazir qeyd edib ki, Avropa və Yaponiya da Rusiya Federasiyasından enerji resursları almağa davam edir.

Ötən gün məlum olub ki, ilin birinci yarısının yekunlarına əsasən, Qərb müttəfiqləri sanksiyalardan yan keçərək, təxminən 2 milyard dollar dəyərində Rusiya mənşəli neft alıblar.

Hindistan dünyada üçüncü ən böyük neft istehlakçısı və idxalçısıdır. Ölkə ehtiyac duyduğu yanacağın təxminən 88%-ni alır.

Bundan əvvəl bildirilmişdi ki, xaricə kömür tədarükü Rusiya ixracatçılarına itkilər verməyə başlayıb.

 

Nigar