Gürcüstanın baş naziri İrakli Kobaxidze xəbərdarlıq edib ki, ABŞ növbəti sanksiyalar tətbiq edərsə, Tbilisi Vaşinqtonla münasibətlərinə yenidən baxacaq.

Oxu24.com xəbər verir  ki, bu barədə Newsgeorgia.ge portalı yazır.

ABŞ səfiri Robin Dunniqan Kobaxidze ilə görüşdən sonra bildirib ki, Tbilisi sanksiyalarla bağlı yeni qərarlar qəbul ediləcəyi təqdirdə Vaşinqtonla münasibətlərdə öz mövqelərinə “əhəmiyyətli şəkildə yenidən baxacaq”.

“Bu qərarı 16 sentyabrda 64 vətəndaşa qarşı sanksiyalarla bağlı] qəbul edən Amerika tərəfi kritik məqama yaxınlaşıb. Başqa bir oxşar qərar qəbul olunarsa, bu, Gürcüstanın gürcü-amerikan münasibətlərində mövqeyinin əhəmiyyətli dərəcədə yenidən nəzərdən keçirilməsinə səbəb ola bilər”, - Kobaxidze bildirib.

Baş nazir vurğulayıb ki, bu məhdudiyyətlər “müxalifətin seçkilər öncəsi şanslarını artırmaq” məqsədi daşıyır. Kobaxidze həmçinin xəbərdarlıq edib ki, onlar əks effekt verir və hakimiyyəti qorxutmayacaq.

Sentyabrın 16-da Birləşmiş Ştatlar ölkədə demokratiyanın sarsıdılmasında və insan haqlarının pozulmasında əli olduğuna inandıqları 64 Gürcüstan vətəndaşı və dövlət məmuruna qarşı sanksiya tətbiq edib.

Dövlət Departamenti Vaşinqtonun respublika hakimiyyətinin anti-demokratik hərəkətlərindən narahat olduğunu və yeni sanksiyaları nəzərdən keçirməyə davam edəcəyini vurğulayıb.

Nigar