ABŞ Çinlə mümkün qarşıdurmaya hazırlıq məqsədilə Sakit okeanda Tinian adasında öz Hərbi Hava Qüvvələri üçün hərbi aerodrom tikir.

Oxu24.com xəbər verir   ki, bu barədə Amerikanın “Newsweek” nəşri peyk görüntülərinə və ABŞ Hərbi Hava Qüvvələrinin nümayəndəsinə istinadən məlumat yayıb.

“Sakit Okeanda kiçik bir adada böyüyən aerodrom indi ABŞ Hərbi Hava Qüvvələri tərəfindən yenidən qurulur, çünki o, Çinlə mümkün gələcək döyüşə hazırlaşır”.

Nəşrin məlumatına görə, aerodromun bərpası Pentaqona 500 min dollara başa gələcək. Layihənin nə vaxt həyata keçiriləcəyi hələlik məlum deyil.

Məqalə müəllifi yazır ki, Tinian adasındakı aerodromun bərpası Çevik Döyüş Məşğulluğu (ACE) doktrinasının bir hissəsidir və bu doktrina ABŞ hərbi qüvvələrinin planetin ucqar yerlərində kiçik qruplar şəklində yerləşdirilməsini nəzərdə tutur. 

Jurnal xatırladıb ki, məhz Tinian adasındakı aerodromdan Amerika bombardmançıları 1945-ci ildə havaya qalxaraq Yaponiyanın Xirosima və Naqasaki şəhərlərinə nüvə bombaları atıblar.

Bundan əvvəl politoloq ABŞ və Çin arasında “Troya tipli müharibə” olacağını proqnozlaşdırmışdı.

Nigar