Ukraynaya 35 raket atılıb

Ukrayna prezidenti Vladimir Zelenski X hesabında verdiyi açıqlamada Rusiya ordusunun ölkəsinə hava zərbələri endirdiyini açıqlayıb.

Başda paytaxt Kiyev olmaqla gecə və səhər saatlarında müxtəlif bölgələrə hava hücumları təşkil edildiyini ifadə edən Zelenski, "Rusiya gecə saatlarında Ukraynaya qarşı ballistik raketlər də daxil olmaqla cəmi 35 raket və 23 İHA atdı", deyə qeyd edib.

Zelenski bütün dünyanı Rusiyanın hücumlarına qarşı durmağa dəvət edib.

Kiyevə edilən hücumlarda Krım Muxtar Respublikası Müsəlmanları Dini İdarəsinə aid məscid və İslam Mədəniyyəti Mərkəzinin də zərər gördüyünü bildirən Zelenski, Rusiya ordusunun Ukraynadakı ibadət yerlərini də hədəf aldığını müdafiə etdi.

Zelenski, "Rusiyanın nə mənəvi, nə insani dəyərlərə, nə dinə, nə də inanca hörməti var. Onlar Ukrayna xalqına qarşı məhvetmə kampaniyasını davam etdirir, bütün icmalarımızı və hətta müqəddəs ibadət yerlərimizi məhv etməyə çalışırlar".

Rusiyanın hücumlarının şiddətlə pislənilməli olduğunu vurğulayan Zelenski beynəlxalq ictimaiyyətin sərt addımlar atmalı olduğunu bildirib.

Kiyev Şəhər Hərbi Administrasiyasının rəhbəri Sergey Popko da Telegram hesabında verdiyi açıqlamada Kiyevə edilən hücumlarda 3 nəfərin yaralandığını bildirib.

Digər tərəfdən, Ukrayna Daxili İşlər Nazirliyindən verilən açıqlamada Rusiya ordusunun gecə saatlarında Ukraynanın Sumı şəhərinə hava hücumu təşkil etdiyi bildirilib.

Açıqlamada, hücumda Sumidə bir Uşaq Sosial və Psixoloji Reabilitasiya Mərkəzi və Uşaq Evinin, həmçinin 6 yaşayış binasının hədəf alındığı barədə məlumatlar yer alıb.

 

Miri