“India Today”in məlumatına görə, ölkənin cənubunda Andhra Pradeş və Telanqana ştatlarında yağan aramsız yağışlar daşqınlara, maddi ziyana və insan tələfatına səbəb olmaqda davam edir.

Rəsmilər, iki əyalətdə güclü yağışlar nəticəsində həyatını itirənlərin sayının 19-a yüksəldiyini, ölənlərin 9-nun Andhra Pradeş, 10-nun isə Telanqana əyalətindən olduğunu bildirib.

Səlahiyyətlilər qeyd edib ki, Andhra Pradeşdə daşqınlarda itkin düşən 3 nəfərin axtarışları davam edir, Telanganada isə 1 nəfər itkin düşüb.

Andhra Pradeşdə yağışlardan zərər çəkmiş 17 mindən çox insanın təhlükəsiz bölgələrə təxliyə edildiyini bildirən səlahiyyətlilər, ştat daxilində 140 qatar səfərinin ləğv edildiyini və təxminən 6 min sərnişinin stansiyalarda qapalı vəziyyətdə qaldığını bildirdi.

Digər tərəfdən, Baş nazir Narendra Modi vəziyyəti qiymətləndirmək üçün Andhra Pradeş Baş Naziri Chandrababu Naidu və Telangana Baş Naziri Revanth Reddy ilə görüşüb.

Önümüzdəki günlərdə daha çox yağış gözlənildiyi üçün iki ştatın baş nazirini hazır olmağa çağıran Modi hökumətin mümkün olan hər cür yardımı göstərəcəyinə əmin etdi.

Miri