Husilər yenidən ticarət gəmisinə hücum ediblər

 Husilər  Qırmızı dənizdə, Hudeyda limanından 58 km aralıda ticarət gəmisinə hücum edib.

 

Oxu24.com xəbər verir  ki, bu barədə  UKMTO agentliyin saytında məlumat verilir.

 

"Gəmilərə ehtiyatla tranzit keçmələri və hər hansı şübhəli fəaliyyət barədə  məlumat vermələri tövsiyə olunur", deyə məlumatda bildirilir.

Bu, günün ikinci hücumudur - bundan əvvəl iki hava hədəfi Əl-Salif limanından 70 km aralıda gəmini vurub, digəri isə gəminin yanında partlayıb. Gəmidə heç kim xəsarət almayıb, gəmi limana doğru hərəkətini davam etdirir.

Avqustun 26-da insident Yəmənin Moha şəhərindən 61 dəniz mili cənub-şərqdə baş verib.

Qəzza zolağında İsrail və HƏMAS arasında müharibənin fonunda, Yəmənin husi üsyançıları 2023-cü ilin oktyabr ayının əvvəlində Qırmızı dənizdə ticarət və hərbi gəmilərə hücum etməyə başladılar. Bu məqsədlər üçün pilotsuz təyyarələr və raketlərdən istifadə olunur.

Husilər deyirlər ki, onlar yalnız İsrail limanlarına üz tutan və ya sahiblərinin İsraillə əlaqəsi olan gəmiləri hədəf alırlar. Lakin onların hərəkətləri beynəlxalq daşımalara mane olmağa başladı.

Bir sıra şirkətlər artıq gəmilərini Ədən körfəzini Qırmızı dənizə birləşdirən və dünya üçün mühüm gəmiçilik marşrutu olan Bab əl-Məndeb boğazından keçirməyəcəklərini açıqlayıb.

Husilərin Qərbi Qırmızı dəniz ətrafındakı “böhran bataqlığında” batırmaq istədiyi daha əvvəl bildirilmişdi.

 

Miri