FSB muzdluluqda şübhəli bilinən iki kolumbiyalının saxlandığını açıqlayıb

Oxu24.com  xəbər verir ki, Rusiya FSB Kolumbiya vətəndaşlarını Ukrayna Silahlı Qüvvələrinin tərəfində döyüş əməliyyatlarında iştirak etməkdə şübhəli bilinərək saxladığını bildirib.

Söhbət iki kolumbiyalı, Medina Aranda Xose Arona və Ante Alexanderdən gedir.

FSB-nin məlumatına görə, axtarış zamanı onların “qanunsuz hərəkətlərini təsdiqləyən” sənədlər və “Karpat Siç” millətçi batalyonunun simvolları olan Ukrayna tipli hərbi geyimlər aşkar edilib.

Faktla bağlı muzdluluq maddəsi ilə cinayət işi başlanıb. Onları on beş ilə qədər həbs gözləyir.

Avqustun 28-də bildirilib ki, Moskvanın Lefortovo Rayon Məhkəməsi Aron və Aleksandrı oktyabrın 22-dək həbs edib.

Bundan əvvəl “İzvestiya” qəzeti Rusiya diplomatik missiyasına istinadən yazıb ki, Ukraynanın Buenos-Ayresdəki səfirliyi Beynəlxalq Legiona fəal şəkildə muzdlular cəlb edir.

Bundan əvvəl Rusiyanın Ukrayna Silahlı Qüvvələrinin 4 mindən çox muzdlu əsgərinin şəxsiyyətini müəyyənləşdirdiyi bildirilirdi.

 

Miri