Cənubi Koreya və ABŞ birgə təlimləri başa çatdırıb

Cənubi Koreya və ABŞ hərbçiləri avqustun 19-dan 29-dək keçirilən illik Ulchi Freedom Shield təlimlərini başa vurublar.

 

Oxu24.com xəbər verir ki, bu barədə Yonhap məlumat yayıb.

 

Onlarda 19 minə yaxın Cənubi Koreya hərbçisi iştirak edib və canlı atəş də daxil olmaqla 48 səhra təlimi başa çatıb.

Kompüter simulyasiyasından istifadə etməklə komanda-qərargah təlimləri və mülki müdafiə təlimləri də keçirilib. ABŞ-Cənubi Koreya təlimləri zamanı KXDR-in “böyük təxribatlar” törətmədiyi vurğulanır.

Daha əvvəl təlimlərin təşkilatçıları bildiriblər ki, bu cür təlimlər Cənubi Koreya və ABŞ-ın istənilən təxribatlara cavab vermək və nüvə silahından müdafiə etmək qabiliyyətini və hazırlığını daha da gücləndirəcək.

Əvvəllər bildirilirdi ki, Cənubi Koreyada Donald Trampın ABŞ prezident seçkilərində qalib gələcəyi təqdirdə təhlükəsizlik baxımından ölkədə öz nüvə silahının yaradılması tərəfdarlarının sayı artıb.

Bundan əvvəl Tramp Şimali Koreya lideri Kim Çen Inla “qırmızı düymə” ilə bağlı danışdığını bildirib.

 

Miri