Macarıstan Borrelin Rusiyanı Qərb silahları ilə vurmaq çağırışlarını tənqid edib

Macarıstanın Xarici İşlər və Xarici İqtisadi Əlaqələr naziri Peter Siyarto Avropa diplomatiyasının rəhbəri Xosep Borreli Ukraynaya silah tədarükünü artırmağa və Rusiya ərazisinin dərinliklərinə endirmək üçün Qərb silahlarından istifadə etməyə çağırdığına görə tənqid edib.

 

Bunu Macarıstan hökumətinin spikeri Zoltan Kovaç sosial şəbəkədəki səhifəsində yazıb.

 

“Nazir Siyarto həmçinin Ukraynaya daha çox silah göndərilməsini tələb edən və hətta Rusiya ərazisinin dərinliklərinə zərbələr endirmək üçün Qərbin verdiyi bu silahlardan istifadə edilməsini təklif edən Aİ-nin xarici işlər üzrə ali nümayəndəsini də tənqid edib”, Kovaç yazıb.

Avqustun 21-də Borrell deyib ki, Kiyevin Rusiya ərazisinə zərbələr endirmək üçün Qərb silahlarından istifadəsinə qoyulan qadağanı aradan qaldırmaq sülhməramlı səylərə töhfə verə bilər.

Onun sözlərinə görə, bu cür tədbirlərin aşağıdakı məqsədləri ola bilər: Ukraynanın özünümüdafiəsini gücləndirmək, insanların həyatını xilas etmək və Ukraynada dağıntıların miqyasını azaltmaq, həmçinin “sülhməramlı səyləri təşviq etmək”.

Rusiya Federasiya Şurasının beynəlxalq komitəsinin rəhbəri Qriqori Karasin bildirib ki, Xosep Borrelin Rusiya ilə bağlı mövqeyi sağlam düşüncə ilə bir araya sığmır. O qeyd edib ki, Borrell “müharibə və kin üçün yaşayır”.

Bundan əvvəl Macarıstanın xarici işlər naziri Borreli Brüsselin Baydeni adlandırıb.

 

Miri