Rusiya 92 ABŞ vətəndaşının ölkəyə girişini qadağan edib

Rusiya Xarici İşlər Nazirliyi 92 ABŞ vətəndaşının daimi olaraq ölkəyə girişinə qadağa qoyub.

Bu barədə idarənin Telegram-kanalında yer alan məlumatda deyilir.

“Müxtəlif səviyyələrdə hüquq-mühafizə orqanlarının və kəşfiyyat xidmətlərinin rəhbərləri və məmurları ilə yanaşı, hərbi sənaye kompleksinin əsas şirkətlərinin rəhbərləri və Ukrayna Silahlı Qüvvələrini silahla təchiz edən və Kiyev rejiminə sponsorluq edən maliyyə institutları, stop siyahısı həmçinin aparıcı liberal-qlobalist nəşrlərin redaktor heyəti və müxbirləri də daxildir”, - Rusiya Xarici İşlər Nazirliyi bildirib.

Məlumata görə, siyahıya baş redaktor Emma Taker və The Wall Street Journal-ın jurnalistləri, nəşrin Moskva bürosunun keçmiş rəhbəri Natan Hodc, həmçinin The Washington Post və The New York Times qəzetlərinin müxbiri də daxil olub.

Rusiya Xarici İşlər Nazirliyi bunu “Amerikanın hakim elitasının çılğın sanksiyalarına” cavab adlandırıb və gələcəkdə stop siyahılarını artırmağa davam edəcəyinə söz verib.

 

Miri