Telegram-ın təsisçisi Pavel Durov Parisdə həbs olunduqdan sonra övladına qarşı mümkün zorakılıqla bağlı istintaqla bağlı dindirilməyib.

Oxu24.com  bu barədə Paris prokurorluğuna istinadən xəbər verir.

“Bu işin indiki prosesə aidiyyatı yoxdur, digər iş üzrə ona baxılmayıb”, - prokurorluq bildirib.

Bundan əvvəl BBC xəbər vermişdi ki, Telegram internetdə uşaq istismarı materiallarını aşkar etmək və silmək üçün beynəlxalq proqramlarla əməkdaşlıqdan imtina edib.

Durov avqustun 24-də axşam Fransanın Le Burje hava limanında şəxsi təyyarədən enərkən saxlanılıb. Sahibkar ölkəyə Azərbaycandan gəlib. Fransa polisi Reuters agentliyinə bildirib ki, iş adamı Telegram-da kiber və maliyyə cinayətləri məsələlərində əməkdaşlıqdan imtina etməkdə ittiham olunur. Onlar əlavə ediblər ki, Durov milli kibercinayətkarlıq və fırıldaqçılıqla mübarizə idarələri tərəfindən araşdırılır.

Avqustun 28-də “Politico” qəzeti Durovun qardaşı Nikolayın axtarışda olduğunu yazıb. Nəşrin məlumatına görə, Fransa hakimiyyəti 2024-cü il martın 25-də qardaşlar üçün “mütəşəkkil dəstənin tərkibində yetkinlik yaşına çatmayanların pornoqrafik şəkillərinin saxlanması, yayılması və nümayiş etdirilməsində iştirak” ittihamı ilə həbsə order verib. Fransa prokurorluğu bu məlumatı şərh etməkdən imtina edib.

Bundan əvvəl Mizulina Telegram-a qarşı aparılan araşdırmaları şərh edib.

Nigar