Beynəlxalq Atom Enerjisi Agentliyinin (MAQATE) rəhbəri Rafael Qrossi bildirib ki, Kursk vilayətində nüvə insidentinin baş verməsi təhlükəsi var.

Oxu24.com xəbər verir ki, bu barədə RiA Novosti məlumat yayıb.

O, Kursk Atom Elektrik Stansiyasına (AES) baxış keçirdikdən sonra jurnalistlərə deyib: “İndi burada nüvə insidentinin baş verməsi təhlükəsi var.

Qrossi əlavə edib ki, o, rusiyalı həmkarları ilə hadisələrin bu cür inkişafının qarşısını almaq yollarını müzakirə edəcək. Xüsusilə, məsələnin Rusiya Xarici İşlər Nazirliyi və Rosatom nümayəndələri ilə müzakirəsi planlaşdırılır.

MAQATE rəhbəri həmçinin bildirib ki, Kursk AES-də yoxlama zamanı pilotsuz təyyarələrin hücumlarının izləri aşkarlanıb. O, elektrik stansiyasından bir neçə kilometr aralıda hərbi əməliyyatların getdiyi üçün onun təhlükəsizliyindən narahat olduğunu vurğulayıb.

Avqustun 27-də Qrossi Kursk atom elektrik stansiyasına baxış keçirmək üçün Kurçatov şəhərinə gəldi. Səfərin məqsədi MAQATE rəhbərinin AES ətrafında vəziyyətə müstəqil baxış bucağı formalaşdırmaq istəyi olub.

Nigar