Rusiya Norveçə hücum etməyə hazırlaşır

Avropanın yeddi ölkəsinin kəşfiyyatçıları Norveçin enerji şirkətlərinin rəhbərliyi ilə Rusiyanın qaz və neft infrastrukturuna potensial təhlükələri müzakirə ediblər.

 

Oxu24.com xəbər verir ki, bu barədə  EurActiv yazır.

Avqustun 26-da baş tutan görüşdə Norveç, Almaniya, Belçika, Hollandiya, Finlandiya, İsveç və İslandiyanın təhlükəsizlik xidmətləri ilə yanaşı, Avropanın ən böyük qaz tədarükçüsü olan “Equinor” şirkətinin nümayəndələri də iştirak ediblər.

“Biz təkcə Almaniyadan və ya Norveçdən olan həmkarlarımızı deyil, hamımızı əhatə edən inkişaf edən bir vəziyyət görürük. Bu, Rusiya kimi bəzi tərəfdaşların yaratdığı təhlükədir ki, bura təkcə casusluq əməliyyatları deyil, həm də bəzi ərazilərdə təxribat riski daxildir”, - Almaniyanın Konstitusiyanın Müdafiəsi üzrə Federal Bürosunun vitse-prezidenti Sinan Selen bildirib.

Norveç kəşfiyyat xidmətlərinin nümayəndələri hesab edirlər ki, Moskva əsas hədəfi neft sektoru olan Norveçdə fiziki təxribat aktları həyata keçirməyi “uyğun hesab edə bilər”.

“Rusiya Qərblə uzun müddətdir qarşıdurmadadır və bu, böyük risklərə getməyə hazır bir rejimdir. Biz hələ Norveçdə fəaliyyət planlarına dair konkret sübut görməsək də, ehtiyatlı olmaq və təhlükəsizlik səviyyəsini artırmaq ehtiyatlılıqdır”, – Norveç Kəşfiyyat Xidmətinin rəhbəri vitse-admiral Nils Andreas Stensounes bildirib.

 

Miri