Türkiyə prezidenti Rəcəb Tayyib Ərdoğan müxalifətçi deputata qarşı 250 min lirə (təxminən 7,3 min dollar) mənəvi təzminat iddiası qaldırıb.

Oxu24.com xəbər verir  ki, bu barədə Türkiyə liderinin vəkili Hüseyn Aydın X sosial şəbəkəsində məlumat verib.

“Cümhuriyyət Xalq Partiyasının (CHP) İzmir millət vəkili Tuncay Özkanın prezidentimizə qarşı əsassız və vulqar ifadələrinə görə ona 250 min türk lirəsi mənəvi təzminat iddiası qaldırılıb. Bundan başqa, prezidentin təhqir olunması ilə bağlı Ankara Baş Prokurorluğuna da şikayət edilib”.

Özkan daha əvvəl X sosial şəbəkəsində Ərdoğana və yerli hakimiyyət nümayəndələrinə qarşı bir sıra təhqirlər yazıb. Nazirlər Kabinetinin üzvləri müxalifətçi deputatı qınayıb və tənqid ediblər. Türkiyə Ədliyyə Nazirliyinin rəhbəri Yılmaz Tunç bildirib ki, Özkanın ifadələri ilə bağlı ona qarşı istintaq başlayıb.

Nigar