Aİ bu həftə Kiyevə hava hücumundan müdafiə sistemlərinin tədarükü məsələsini müzakirə edəcək

Avropa İttifaqının xarici işlər və müdafiə nazirləri avqustun 29-30-da Brüsseldə qeyri-rəsmi görüşdə Kiyevə yeni hava hücumundan müdafiə sistemlərinin tədarükü məsələsini müzakirə edəcəklər.

 

Oxu24.com   TASS-a istinadən xəbər verir ki, bunu Avropa diplomatiyasının rəhbəri Xosep Borrell deyib.

Diplomat bildirib ki, Rusiya yenidən Ukrayna infrastrukturuna, o cümlədən su elektrik stansiyalarına kütləvi hücumlar həyata keçirib və Ukrayna dərhal hava hücumundan müdafiə sistemləri ilə təmin etməlidir. O, həmçinin Rusiya Federasiyasına qarşı Qərb silahlarının istifadəsinə qoyulan məhdudiyyətlərin tamamilə ləğv edilməsinə çağırıb.

Borrell qeyd edib ki, cümə axşamı qeyri-rəsmi görüşdə bu məsələni Ukraynanın xarici işlər naziri Dmitri Kuleba və Avropa İttifaqının xarici işlər nazirləri ilə müzakirə edəcək.

Bundan əvvəl Ağ Ev ABŞ-ın Ukraynaya yeni silah paketi ötürəcəyini bildirmişdi. Buraya hava hücumundan müdafiə üçün raketlər, dron və tank əleyhinə silahlar, mərmilər daxildir. Həmçinin, ABŞ prezidenti Co Bayden bir daha Ukrayna xalqına sarsılmaz dəstək vəd edib.

Əvvəllər Zelenskinin hava hücumundan müdafiə sisteminin gücləndirilməsi ilə bağlı açıqlamaları “aktyor söhbəti” hesab olunurdu.

 

Miri