Xersonda partlayışlar baş verib

Kiyevin nəzarətində olan Xerson şəhərində partlayışlar baş verib.

 

Oxu24.com xəbər verir  ki, bu barədə Ukraynanın “Public” nəşri öz Telegram kanalında məlumat yayıb.

 

Qeyd olunur ki, Ukrayna hakimiyyətinin nəzarətində olan Xerson vilayətinin ərazilərinə hava hücumu xəbərdarlığı elan edilməyib.

Avqustun 24-də Xersonda da partlayışlar qeydə alınıb. Ukraynanın Rəqəmsal Transformasiya Nazirliyinin məlumatına görə, günorta saatlarında Ukraynanın Sumı, Odessa, Nikolayev vilayətlərində, eləcə də Xerson vilayətinin Ukrayna hakimiyyətinin nəzarətində olan hissəsində hava hücumu xəbərdarlığı səslənib.

Rusiya hərbçiləri 2022-ci ilin oktyabrında Krım körpüsünün partlamasından qısa müddət sonra Ukrayna infrastrukturuna zərbələr endirməyə başlayıb. O vaxtdan bəri Ukraynanın müxtəlif bölgələrində, tez-tez ölkə daxilində hava hücumu xəbərdarlığı müntəzəm olaraq elan edilir. Rusiya Müdafiə Nazirliyinin məlumatına görə, hücumlar enerji sektoru, müdafiə sənayesi, hərbi komandanlıq və rabitə sahələrindəki hədəflərə edilir.

Bundan əvvəl Saldo Xersonda suyun çirklənməsi ilə bağlı kritik vəziyyət elan etmişdi.

 

Miri