Qətərin baş naziri və xarici işlər naziri Şeyx Məhəmməd bin Əbdül Rəhman Əl Tani Tehranda İranın xarici işlər naziri Abbas Əraqçi ilə Qəzza zolağında münaqişənin həlli üzrə vasitəçilərin səylərini müzakirə edib.

Müvafiq bəyanat X sosial şəbəkəsində dərc olunub.

“Tərəflər Qəzza zolağı və işğal olunmuş Fələstin ərazilərindəki vəziyyəti, o cümlədən anklavda atəşkəs razılaşmasının əldə edilməsinə yönəlmiş vasitəçilik səylərini müzakirə ediblər”, - deyə məlumatda bildirilir.

Məlumata görə, Qətərin baş naziri və İranın xarici işlər naziri Qəzza zolağında müharibənin dayandırılması və fələstinlilərə qarşı hücumlara son qoyulmasının vacibliyini bəyan ediblər.

“Əraqçi Qətərin Qəzza zolağında münaqişənin həlli istiqamətindəki səylərini alqışlayıb”, - deyə İran Xarici İşlər Nazirliyinin Telegram kanalında qeyd olunub.

Miri