MAQATE rəhbəri bildirib ki, nüvə silahına sahib olmaq yarışı kulminasiya nöqtəsinə çatıb

Beynəlxalq Atom Enerjisi Agentliyinin (MAQATE) baş direktoru Rafael Qrossi hesab edir ki, nüvə silahına sahib olmaq yarışı kulminasiya nöqtəsinə çatıb və bu cür silahların yayılmaması ilə bağlı qlobal razılaşma təhlükə altındadır.

 

Oxu24.com xəbər verir  ki, MAQATE rəhbəri bu barədə Financial Times (FT) qəzetinə müsahibəsində bildirib.

“Məncə, 1990-cı illərdə siz mühüm ölkələrin “Yaxşı, niyə biz də nüvə silahı almırıq?” dediyini eşitməzdiniz? - Qrossi bildirib.

Onun sözlərinə görə, hazırda getdikcə daha çox ölkə öz nüvə silahına sahib olmaq istəyir və nüvə silahının yayılmaması haqqında müqavilənin şərtlərinə yenidən baxmağı açıq şəkildə təklif etməyə başlayır.

Qrossinin sözlərinə görə, vəziyyətə münasibətin dəyişməsinə Yaxın Şərq və Ukraynadakı münaqişələr, eləcə də dövlətlərin müdafiə ittifaqlarının mümkün dağılması ilə bağlı narahatlıqları təsir edib.

Bundan əvvəl ABŞ-ın Rusiya ilə Strateji Silahların Azaldılması Müqaviləsini (START) uzada biləcəyi barədə məlumat yayılmışdı.

Qrossi daha əvvəl bildirib ki, Zaporojya AES-in təhlükəsizlik prinsipləri Kursk AES-ə tətbiq oluna bilər.

 

Miri